Interrupcións voluntarias do embarazo

Neste apartado da páxina web da DXIXSP móstranse datos das interrupcións voluntarias do embarazo (IVE) realizadas en España dende 1987, por mulleres que residen en Galicia. Os datos proceden dos centros acreditados para realizar IVE, que teñen a obriga de notificar a sanidade unha serie de datos (anónimos) de cada IVE que nel se realiza. En Galicia os centros acreditados envían estas notificacións ao Rexistro Galego de IVEs, que depende da DXIXSP, que pola súa banda os envía ao Ministerio de Sanidad, Servicios Sociales e Igualdad. Estas notificacións enviadas ao Ministerio fan referencia ás IVE realizadas en Galicia tanto en mulleres que residen nela como fóra dela. Dado que todas as Comunidades Autónomas levan a cabo o mesmo procedemento, o Ministerio está en condicións de devolverlle ás comunidades as IVE realizadas fóra da comunidade en mulleres que residen nela. Deste xeito, como quedou dito, os datos do Rexistro Galego conteñen todas as IVE realizadas en España por mulleres que residen en Galicia. Pola contra non constan os datos de IVEs realizadas fóra de España nin, por suposto, aquelas que non foran notificadas.

Servizo de Epidemioloxía
Dirección Xeral de Innovación e Xestión da Saúde Pública
Edificio administrativo San Lázaro s/n
15703, Santiago de Compostela
A Coruña, España
Tf: 881 54 29 45
Fax: 881 54 29 70
e-mail: dxsp.vixepi@sergas.es
web: http://dxsp.sergas.es